美景餐廳晌祈德尊新邨入面嘅平台,位置確喺幾隱秘。


門面好似日式西餐廳,絕對唔多似茶記,門口仲好懷舊。

餐牌字體也是特色之一。

餐牌都有好多選擇,少少哋嘅輕食,如多士、三文治、炸脾、西多……等等,大份量啲嘅就有拉麵、米線、炒粉飯麵等等,

甚至乎窩芙、梳乎理班戟都有,以茶記而言,真喺超強選項。除選擇多,定價亦好相宜。

來到美景,必試佢哋啲包,因為所有麵包都喺自家製,近門口位,仲擺咗好多麵包出嚟,好香噴噴呀!

甜品都一樣出色。


黑蒜豬骨濃湯博多拉麵 

賣相好正,不但大大碗,更有日式叉燒、木耳絲、筍乾、大冬菇等配料。


呢款「菠蘿包」,用芝士+鹹牛肉+炒蛋+菠蘿包嘅組合,餡料堆到滿滿,味道甚具層次! 

菠蘿油賣相好破格。 

隻炸脾真喺幾唔錯,無炸過籠,外皮香脆,入口唔油膩,大隻,肉質鮮嫩。 


荃灣祈德尊新村平台1樓