【森美餐廳】呢個名如果你同荃灣人講,佢哋嘅反應都係,(哦…嗰間成間鋪都係公仔,裝修得好靚嗰間西餐廳呀嘛!)無錯,就係呢間喺華都中心地下嗰間【森美餐廳】。

其實呢間餐廳已經喺荃灣屹立左20幾年,舊店喺華都中心2樓,近年係同商場開咗一間喺樓下地舖,主要係老闆娘個仔打理。他們繼續留守荃灣這個小商場,原來這裏帶給他們很多童年回憶,很多街坊陪着他們成長,充滿人情味。在其他地方搵唔到。

無論係lunch定係晚飯都好多人幫襯。

呢間環境以工業風為主,餐廳座位寬敞,環境舒適。

工業風裝修加上不同風格嘅燈飾,竟然會有一種華麗感。

呢到最特別嘅地方係一入門口就有好多隻潮牌熊仔figures歡迎你,同其他Cafe與眾不同,唔同位置都隱藏住充滿玩味嘅figure,全部都係老細嘅珍藏。疫情嘅時候老細仲幫呢啲公仔全部戴晒口罩,非常可愛。

【煙三文魚菠蘿沙律】份量十足。

最驚喜嘅就係森美沙律,裏面有大蝦,沙律有蝦,薯仔,蛋,腰果,蘋果片,parma ham,羽衣甘藍和各款健康蔬菜。擺盤十分之靚。

【森美餐廳】 真係環境好,食物質素又高!絕對適合同家人或者朋友聚餐。

最緊要就係老板佢地全家人都充滿人情味。

【森美餐廳  Cafe Sammi】

地址 :

荃灣西樓角路178-184號華都中心地下A2號舖

Shop A-2, G/F, Waldorf Center, 178-184 Sai Lau Kok Road, Tsuen Wan

港鐵荃灣站 B2 出口, 步行約4分鐘

電話:24147177