自從港鐵西港島線開通後,堅尼地城逐漸仕紳化,很多個性咖啡店、選物店逐一進駐之餘,本來不為人知的街坊地標,例如西環泳棚,卑路乍灣公園、魯班先師廟等,都被發掘為打卡點。小編今次去咗西環及堅尼地城幾個景點,大家週末都可以遊走下舊區,影下相之餘仲可以試下唔同嘅美食。

【卑路乍灣公園】

卑路乍街灣公園其實位置並唔係喺卑路乍街,而係喺堅尼地城海旁,呢個公園最特別之好處係以航海為主題的設計,設有露天圓形廣場、大草坪、觀日亭、兒童遊樂場等設施,全以航海有關的樣式而建造。

【模擬航海燈塔】每座燈塔均配上乙炔氣操作導航燈實物,園內亦設有多元化航物展品,亦有展示板介紹該航海物的作用,是增加對航海認識的好去處。

去完公園,可以沿住山市街一直行,就到左條色彩繽紛嘅樓梯啦。原來係由幾間學校一齊參與嘅壁畫創作。沿着樓梯上去就會見到有個牌寫住「魯班先師廟」。

再行多陣就到㗎啦。

魯班先師廟屬於住宅範圍,大家行過請將音量收細。

嚟到堅尼地城就一定唔好錯過來自京都的人氣咖啡【% Arabica Coffee 】。

呢個係網紅必影嘅地方,冇錯呢個打卡點就係只有幾個路牌,配上藍天白雲同海。隨便影張相出嚟嘅效果已經好靚。溫馨提示:始終係馬路要小心車輛啊!

【西環泳棚】建立於六七十年代,因為當時公眾泳池未普及,所以居民就在這裡搭建竹棚,西環泳棚成為了當時市民游水的地方,亦係目前香港唯一的泳棚。而家的西環泳棚變成文青打卡熱門地點,不過大家要有心理準備要D時間比排隊影相,因為真係好多人。

前往方法:搭乘港鐵港島線至堅尼地城站,於C出口沿科士街、加多近街、域多利道,行經廢料轉運站後直行,可達西環鐘聲泳棚入口,步行約需15~20分鐘。