香港疫情暫時稍為緩和,所以好多人都趁着假期出走一下,太平山頂就係其中一個較歡迎嘅地點!因為這裏有不同景點,將整個城市的繁華盡收眼底,令人着迷!不過今次小編就發現喺山頂凌霄閣有一間港式風味嘅甜品店【甜蜜蜜】

這間甜品店裝修以舊式茶餐廳格局,卡位設計,押鋪招牌,充滿香港懷舊味道,非常有特色。

有舊式茶餐廳的牆身,大牛龜電視機,如果有見過呢部電視機就真係出賣咗你嘅年齡喇。

小編記得以前好多人屋企都係用呢一款鐘,依家真係想買都難。

經過都會俾佢吸引住嘅雞蛋仔!雞蛋仔有好多唔同嘅口味,仲可以加雪糕!

雞蛋仔是即整的,非常脆口,同雪糕配搭一齊,味道都可以,幾特別的口感。

冰櫃裏仲有各式各樣嘅甜品,色彩繽紛,全部都好想試。

仲有不同冷熱飲,當然唔少得香港茶餐廳必有的奶茶咖啡喇。

【百香果草莓雪山】味道略甜,怕甜嘅朋友就要選擇其他喇!

【鮮製豆腐花】

細心留意一下,店舖裝甜品的碗係懷舊款式的花紋!

懷舊版支裝可樂,而家喺出邊真係好少見了,小編記得細個嘅時候,仲會儲起可樂的蓋,有得換禮物又有得抽獎。

換得最多嘅就係搖搖。

大家如果去山頂玩到攰,又想坐低唞一唞都可以去凌霄閣呢間【甜蜜蜜】食返個甜品。仲可以坐係一邊卡位欣賞山頂景色。

【甜蜜蜜】

地址:山頂山頂道128號凌霄閣G 17號舖

電話: 28498314