位於流浮山的陶氏休閒生態農莊位於深灣路榮真學校附近,離流浮山牌坊大約5-7分鐘步行路程,路口有大型路牌顯示。


由於疫情關係,只開放摘士多啤梨,農莊入面嘅玩樂設施都唔開。

收穫都幾豐富,士多啤梨又大又甜,60蚊一磅,抵玩。


平時仲會有電動車玩,有羊仔餵下。

不過都唔使失望,場內還有水車魚池,環境優美,是一個唔錯嘅打卡位。

又可以襯春天賞下花。



最重要是,一排古董車俾你任影。

絕對眼花繚亂又有特色。


前往方法:-

33專線小巴 (元朗-下白坭) -過了流浮山牌坊-叫「陶氏休閒農莊」落車 

34專線小巴 (元朗-流浮山) -落車:總站-步行約5分鐘 

35專線小巴(元朗-尖鼻咀) -落車:流浮山牌坊-步行約5分鐘 

34A專線小巴 (天水圍西鐵站-流浮山) -落車:總站-步行約5分鐘 

K65港鐵接駁巴士 (元朗-天水圍西鐵站-流浮山) -落車:總站-步行約5分鐘

地址:元朗流浮山深灣路 (榮真學校後面)

電話:2266 0003