帶小朋友去玩最怕打風落雨,每逢遇著壞天氣,室內任玩的遊樂場就必成為唯一選擇,不過,香港地少人多,要找大型室場也不容易。

KidzTech開幕已經2年,結合室內遊樂場、親子餐廳、廚藝烘焙教室,派對場所教育中心、共享工作空間等,呢個多功能親子會所,共有2層,面積共56,000呎,成2個足球場甘大!算是全港面積最大、最多野玩的室內放電好去處。

呢度有無敵大海景,可以享受住自然光線  所以好舒服

一入來就見到野生動物森林區,有大量恐龍和野生動物模型提供!

賣點其一是巨型七彩繽紛嘅繩網陣同埋2層高的金屬滑梯、電動車場等

滑梯區有呢條超刺激,三米高滑梯,遊戲適合110cm身高以上兒童玩。

系玩繩網陣需要大量力氣、膽量,所以小朋友又可以盡情放電

現場仲有得玩高卡車同遙控車,仲有好多車選擇!

大型立體積木有大大小小不同的積木區域,空間非常大,讓小朋友盡情砌!

場館亦有幼兒區域,讓家長可以與幼兒一起玩耍,而這裏的玩具就正好適合細個既小朋友。

來到兒童變裝區小朋友可以隨心所欲扮演公主、消防員、Ironman等,著住影靚相同埋周圍玩都得,所以成日都會見到不少卡通人物周圍走!

一向都話,學習同玩樂分唔開,呢度亦加入了互動STEM遊戲,入面不少裝置甚有特色,讓小朋友在玩樂中學習到STEM。

唔好以為室內場甘簡單,呢度仲有大型沙池區,而且所有工具都齊備。

玩完仲有風筒可以用來吹走腳上嘅沙。

圖書閣有好多圖書,亦有閱讀區,圖書閣《繪本花園》,地下仲有3D影相位。

入場費都係$180包一位成人和一位小童,不過記得先上網預約,因為好full!


收費資訊
KidzTech平日(全日任玩)遊樂場親子套票 $180 (額‌外‌成‌人‌+$45/‌位, 額外小童+90/位),
KidzTech假日遊樂場親子套票 第1節:$180, 第2/3/4節$220 (額‌外‌成‌人‌+$60/‌位, 額外小童+100/位)
交通資訊
巴士路線: 115,115P,E23,E23A,296B,286B

地鐵: 黃埔港鐵站D2出口,步行5分鐘路程

渡輪: 北角至紅磡航線

自駕泊車
最近泊車點: 海濱廣場或黃埔美食坊