唔知大家有冇諗過想整蛋糕,但有又都多嘢要準備,工具,材料,焗爐等等,之後仲要清潔廚具,諗到呢一到,就放棄整蛋糕嘅念頭。不過近年其實都開咗好多自助烘焙店,絕對是整蛋糕的好去處!今次小編就去咗呢間【Home•焙小日子】體驗一下整蛋糕嘅樂趣。

【Home•焙小日子】每間分店佔地1500尺,有40多款甜品食譜任你選擇,不同節日更會有特別的食譜。分店在香港有3間,方便住係唔同地區嘅朋友。

這間店環境寬敞 ,而且材料工具都十分齊全,而且裝修得好靚。

整蛋糕之前首先就要預約好日期同時間先,入到去就會比部平板你自己選擇鍾意的蛋糕款式,平板電腦上一個步驟一頁 ,配簡單文字,非常清晰的教學。在店內還有好多工作人員幫你解答任何問題。

選擇好款式,就跟返份量一樣一樣準備好拎埋位整!

店內的材料和工具都好齊全,好容易搵到所需材料。

仲有好多部攪拌機同焗爐提供,唔使擔心話等得太耐。

對於小編呢啲新手整蛋糕,覺得整餅底係需時最耐。

係等緊焗餅底嘅途中可以準備其他野,可以諗吓點樣裝飾個蛋糕。

完成咗個餅底啦!

跟住就要自己打忌廉仲可以調色,原來要將忌廉茶靚個蛋糕係非常之難,店員見到小編手忙腳亂都即刻過嚟幫手。

之後就可以放各種裝飾品係蛋糕上。

完成左啦。而蛋糕上嘅裝飾可以喺店內購買,自己親手整咗個蛋糕其實都幾有成功感。大家有興趣都可以去體驗一下。

【Home•焙小日子】

荃灣店:荃灣楊屋道18號荃新天地2期地下27號舖。

荔枝角店:荔枝角長順街15號D2 Place二期3樓305號。

將軍澳店:將軍澳唐德街9號將軍澳中心地下G42 號舖。