其實香港人都比較喜歡食煲仔飯,但始終唔係一年四季都有得食,通常冬天就會比較容易食到!今次小編要同大家介紹一間餐廳一年四季都有煲仔飯食,就係【砂煲兄弟】餐廳位置喺荃灣悅來坊。

餐廳裏面算大,位置寬敞,重點呢到環境好靚,裝修很別致,像舊式茶餐廳的感覺。鍾意懷舊風嘅朋友一定會不停影相。

餐廳主打香港味道,但不失創意料理,亦有比較新派的煲仔飯,亦有不同的小菜。

牆上掛了招牌紗布兄弟的畫,還有倒掛可樂玻璃樽組成燈,非常特別。

有獨立卡位,也有原枱可以一家大細一起坐!

【黑椒蘋果牛柳粒】水果餸令人感覺清新,平時都係食薯仔牛柳粒多,但原來蘋果嘅味道加埋黑椒味反而不同層次,蘋果俾薯仔更爽口。

【鵝肝慢煮牛柳煲仔飯】鵝肝的油滲了落飯,令整煲飯都非常甘香,慢煮牛柳亦可保住肉汁。

【溫泉蛋牛肉煲仔飯】牛肉肉質嫩滑,份量也不少,還有一個溫泉蛋,加上店舖內的甜豉油 真心不錯。

【蒜蓉牛油焗蜆】蜆非常新鮮沒有沙,吸了甜甜的牛油味,冇諗過會喺中式餐廳度食到。

【川味黃鱔煲仔飯】呢款煲仔飯幾特別唔係周圍都會有!值得一試。

【砂煲兄弟】值得一讚的是他們的飯焦控制得很好,平時喺出邊食煲仔飯可能會濃哂,又或者冇飯焦。加上煲仔飯的款式特別 ,價錢亦平民,都值得支持一下。

【砂煲兄弟】

地址:荃灣荃華街3號悅來坊B1樓B119A號鋪。