相信不少大人同小朋友都好鍾意毛公仔,有特別係小朋友,好多都鐘意擺到成床都係!小編有一次喺k11musea已留意到一間【Build-A-Bear Workshop】可以自製毛公仔的鋪,今次小編就帶埋小朋友去了山頂的專門店體驗一下整毛公仔究竟係咩一回事!

店舖內大約有30幾種不同嘅公仔比大家選擇。有大size和細size,公仔款式很多,小朋友花多眼亂,停留了在這個位置很長時間。

第二部就是加入棉花,工作人員會帶你嚟到呢部機,地上有一個腳掣,小朋友踹腳制,就可以開始打棉花入去喇,好似用車衣機咁。

小朋友可以選擇公仔的柔軟度,毛公仔軟身就會舒服d,但有啲款式如果你想個公仔可以企喺度,就要入多少少棉花有返個支撐!入多少棉花都是一個收費,除小朋友自己喜歡吧!

入完棉花,工作人員會問你要不要加入心跳盒,錄音機、音樂盒或者香味包!另外還有三個心心可以許願後一齊放埋落去公仔度。

然後工作人員就會細心地和小朋友一起縫上公仔,這裏要大讚一下這裡的工作人員真的非常有耐性。

第三部是可以配搭一些衣服和裝飾。

第四部就係幫個公仔整出世紙啦,大家要諗定個英文名幫個公仔改名,性別等…

即時會印返張出世紙俾你㗎!

第五部就係要去比錢同去打卡牆幫個公仔影返張相,咁個公仔就完成左可以帶佢返屋企啦。

不說不知,每隻公仔也刻有 BAB,代表 Build-A-Bear。其實仲可以 online 訂購,但小編覺得親身黎做一隻可以體驗一下當中嘅樂趣。

【Build-A-Bear Workshop】

香港山頂道118號山頂廣場 2樓223 或

九龍尖沙咀梳士巴利道12號 K11 MUSEA PAM區 B245B