唔知大家有冇聽過朋友講:「咦…你有冇去過尖沙咀間K11 musea?個到真係好靚,好多打卡位!」 所以小編今次就真係去咗K11到,欣賞下各大藝術家的作品。

簡單介紹一下呢個商場,坐落於尖沙咀Victoria Dockside, 樓高10層,佔地120萬平方呎,由多位國際及本地建築師,藝術家設計師聯手設計!商場內更有不少時尚品牌,餐廳等等…仲有全香港最大的UA戲院!商場亦都會係不同時期舉辦展覽會及節日活動。

朋友話K11建築外觀跟蛇的形狀類似,唔知大家覺得點呢?小編反而覺得似哈爾移動城堡!

大家可以沿住尖東站L5出口行去商埸!

一入到去電梯B1旁邊就見到呢隻北極熊。《1、2、恰恰恰》來自Paola Pivi 最為人熟悉的作品 ——一個充滿想像力的北極熊系列。

來到K11 MUSEA中庭,一抬頭就會見到特大金色的圓球,佢就係大名鼎鼎嘅Gold Ball,人氣打卡點 !懸掛2樓同3樓間,以金三角形圖案構成,當中佈滿LED,遠睇閃閃發光,非常宏偉。  

3F 天花板【凌亂的秩序】 

[email protected] with kidneying

Start From Zero於2000年創立,他們由零開始,搖身成為廣受歡迎的時尚品牌,產品包括街頭藝術、家具、木工和時尚服飾。是次作品集各家之大成,如模板、紙張拼貼及流行文化取材的平面設計圖像,藉此重新審視街頭藝術的根本;塗鴉和拼貼結合,表現出香港街頭文化風格。

【Ron English】 的哈哈笑臉好可愛,係成條走廊都係哈哈笑。

呢幅係【Ron English】露骨的笑容。一個個骷髏頭在咧嘴而笑,露出上下兩排整齊牙齒。《露骨笑容》是藝術家眾多原創的骷髏笑臉角色之一,他們天真的外貌與令人毛骨悚然的死亡符號形成鮮明對比。

《Asian Dope Boys》中的骷髏男孩如雙胞胎般擺出如西藏唐卡人物的姿態,進一步強調明顯的宗教意味。藝術家透過將多種宗教符號加入各地次文化的圖像元素,探索現今全球青年文化的本質和其深遠影響。

耿旖旎19X—熊蹤 (局部)

耿旖旎的壁畫作品描繪了小熊一家,小心翼翼地於山野間漫遊探險。

Korakrit Arunanondchai的《人類離開地球以後的快樂聯合國》

5樓有條電梯直到7樓的天台花園。

花園有條孔雀滑梯,有個草地,可以坐係草地上同朋友影下相。但孔雀滑梯要網上預約先可玩。帶小朋友去嘅家長要留意下。

KAWS的作品涉及藝術,時尚和設計等領域。 藝術家延續波普藝術的傳統,以符號作為創作基本。這件看似孤獨的人形雕塑低著頭,面無表情,聳著肩,彷彿提醒觀者,即使身處逆境,也要提起勇氣,從容應對。

呢個商場數之不盡的藝術品,大家有時間可以去影下相,行街,最後大家仲可以沿住商場旁行下,欣賞下維港景色。

【K11 musea】

地址:尖沙咀梳士巴利道18號

時間:早上10時至晚上10時

港鐵尖沙咀站E出口

港鐵尖東站J1及J2出口