相信大家去過泰國都知有流水蝦呢樣野,被困喺香港一段時間,有時都好掛住泰國的美食,今次小編就同大家分享一間由台灣流到香港

【泰夯蝦《正宗曼谷流水蝦》】。

店內設有多條流水蝦水道,而顧客座位旁邊擁有自己的蝦缸,放入了多隻生猛新鮮的泰國大頭蝦(羅氏蝦),客人可以自助即夾即燒! 

店員首先會預備一個冰桶 ,方便客人們夾起蝦的時候放入冰筒!因為要凍暈隻蝦先可以燒㗎。

每日約有3-4款冰鎮海鮮給客人任食,有青口、元貝、帶子、東風螺等。

現場自助區還有超過30款燒烤食品任食,自家醃製川辣雞翼、秘製五花肉、香茅豬頸肉等。

同時有泰、日式熟食及小食放題,任食款式選擇夠多!值得一讚的是,他們家的熟食全部都keep到個溫度,好夠熱。

可以調教自己喜歡嘅醬料。

飲品亦十分多選擇,有30款飲品,亦可另外加購泰國啤酒。

每隻泰國大頭蝦都勁大隻,蝦肉飽滿彈牙,蝦頭更爆膏,鮮味十足,推薦配搭泰式酸辣汁,味道辣辣地好惹味。

水果就只有西瓜,但有不同的泰式甜品和椰青。

有任食雪糕,當中仲有沖繩海鹽、芋頭、奶茶等。

店面十分寬躺 ,座位亦非常舒適。呢間邊玩邊食嘅流水蝦餐廳,非常適合一家大細少。有興趣嘅朋友記得要預約覺去丫!

【泰.夯蝦 (諾士佛臺)】

地址 :尖沙咀諾士佛臺1號1樓

電話:65762487 /94370175