嘉美雞大家就聽得多,大家又知唔知,嘉美雞個老闆有個農莊呢?

呢個就喺生命教育農莊

這個農莊十分原始,接近大自然,環境優美。

荷花開遍整個池塘。


到處都是果樹。



農莊有棵旅人蕉,導賞員說它的莖葉部份尤為發達,樹液亦可飲用,為旱漠旅人提供緊急的水源,又學到野啦!

跟住參觀下農莊有咩玩先。

呢度跟本就是一個小型動物園

沿路見到有山羊、美洲豬、蜥蜴、山雞、珍珠雞、鸚鵡、松鼠、八哥等。



還有火雞


最特別的就是難得見到的藍鳳冠鳩。


還有孔雀,剛好見到開屏。


導賞員姐姐話,呢度有2隻雄性孔雀,夏天是換毛季節,所以另外一隻基本上已經脫曬毛了。

農莊還有個夜行動物館,裡面有牛蛙,蛇類,蜜袋鼯等,就連狼都有隻,但為免騷擾它們,所以不可拍照,各位唯有自己親自來體驗下啦!


農莊還設有不同的工作坊

今日我哋整柴火砵仔糕

材料都已經準備好啦


先磅好要用的粘米粉份量


加入紅糖水


打紅糖水加到粘米粉搞勻,便可以放入砵仔


再將紅豆放埋入去就大功告成



那邊廂已經預備好柴火,可以將大家製成的砵仔糕放入大鑊蒸煮


農場有食譜提供,大家翻去可以再整。


來到農場,當然要參與「田園種植」活動啦。

小朋友都可以落手落腳親自耕種澆水。

先學習種苗,今次比較特別,我哋種辣椒。

首先放入泥土把格格種植盆舖平


然後慢慢把種子一粒粒放入(辣椒種子比較細,要十分專心之餘,順便可以訓練小手肌)


然後用木筷子把辣椒種子推入泥土中


再用這個循環再用的水樽澆水


接著,就去農田翻翻土再種其他嘢


不要以為好簡單,每一粒種子的距離都好講究,要小心放。

學習一手一腳親自耕種,導賞員姐姐親自教澆水,大功告成。

農莊飲用的水都是用井水煲成的,每天還有不同款的涼茶供應,提供的午飯都是農場自家製作,十分健康。





活動時間

10:00 – 16:00 (呢度無得walk in,記得預約啊!)

其他預約活動

盆栽種植、玻璃樽彩繪、中藥園導賞、艾草蚊香DIY工作坊、木鎖匙扣DIY工作坊、環保紙製作

地點

元朗八鄉馬鞍崗村